अर्थ: ॐ अस्य श्रीगुरूगीतास्तोत्रमालामंत्रस्य भगवान सदाशिवः ऋषिः । विराट् छन्दः । श्रीगुरूपरमात्मा देवता । हं बीजम् । सः शक्तिः । सोऽहं कीलकम् । श्रीगुरूकृपाप्रसादसिद्धयर्थे जपे विनियोगः ।

🕉️ अथ प्रथमोऽध्यायः 🕉️

अतिन्त्याव्यक्तरूपाय निर्गुणाय गुणात्मने ।
समस्त जगदाधारमूर्तये ब्रह्मणे नमः ।।

सूत सूत महाप्राज्ञ निगमागमपारग ।
गुरूस्वरूपमस्माकं ब्रुहि सर्वमलापहम् ।।२।।

यस्य श्रवणमात्रेण देही दुःखाद्विमुच्यते ।
येन मार्गेण मुनयः सर्वज्ञत्वं प्रपेदिरे ।।३।।

यत्प्राप्य न पुनर्याति नरः संसारबन्धनम् ।
तथाविधं परं तत्वं वक्तव्यमधुना त्वया ।।4।।

गुह्याद्गुह्यतमं सारं गुरूगीता विशेषतः ।
त्वत्प्रसादाच्च श्रोतव्या तत्सर्वं ब्रुहि सूत नः ।।5।।

इति संप्रार्थितः सूतो मुनिसंघैर्मुहुर्मुहुः ।
कुतूहलेन महता प्रोवाच मधुरं वचः ।।6।।

शृणुध्वं मुनयः सर्वे श्रद्धया परया मुदा ।
वदामि भवरोगघ्नीं गीतां मातृस्वरूपिणीम् ।।